June 25, 2024

The Insider News

Direct from the source

6 na Dumagat patay sa diarrhea

Ni Len Dancel

ANIM na ang nasawing Dumagat matapos tamaan ng sakit na pagtatae o diarrhea sa General Nakar sa lalawigan ng Quezon.

Sinabi ni provincial health officer Kristine Villasenor naitala ang unang pagkamatay noong Setyembre 26 sa Baranagay Lumutan kung saan dead on arrival ito sa rural health unit sa  Tanay , Rizal .

Kasunod  noon ang lima pang biktimang namatay  kung saan higit pa  sa 70 kaso pa ang naitala noong Setyembre 29.

Bukod sa pagtatae, nakaranas rin ang mga ito ng matinding  ubo’t sipon .

Sa ngayon ay wala pa umanong  diarrhea outbreak sa lugar ayon pa kay Villasenor.

Nagpadala na ng team ang provincial health office ng General Nakar rural health unit at Southern LUzonnCommand ng maiinom na tubig at mga herbal kung saan nagsagawa  ng medical mission upang turuan na rin ng tamang hygiene ang mga Dumagat.