May 27, 2024

The Insider News

Direct from the source

6 na parak sa pagkamatay ni Jemboy Baltazar , sumuko

Ni Alex dela Cruz

KUSANG sumuko ang anim  na  miyembro ng Philipine National Police na sangkot sa pagkamatay  ng 17- taong gulang na si Jemboy  Baltazar noong Agosto 2, 2023 dahil sa “mistaken identity ” na tinutugis na suspek ng mga otoridad.

Tinukoy ni Criminal Investigation and Detection Group 4-A  Regional Field Unit Chief Col Jack Malinao ang mga suspek na sina PEMS Roberto Balais Jr, PSSg Gerry Maliban, PSSg Antonio Bugayong Jr, PSSSg  Nikko Pines Esquilon, PCpl Edmard Jade Blanco at Patrolman Benedict Mangada, na nakatalaga sa Navotas City Police Station.

Sinabi ni Malinao na boluntaryong sumuko ang mga suspek sa  CIDG Quezon PFU, Camp Guillermo Nakar, Lucena City, Quezon kahapon matapos insyu ang warrant of arrest ni Hon. Pedro T. Dabu Jr., Presiding Judge of Regional Trial Court Branch 28 ng Navotas  City sa kasong murder at wala nirekomendang piyansa.

Matatandaan nangyari ang trahedya noong Agosto 2,2023 nang magsagawa ng operasyon sa nasabing lugar ngunit nagkamali ang mga operatiba sa kanilang tinutugis na si Reynaldo Bolivar o Reynaldo Baltazar .

Pinagbabaril ng mga otoridad si Baltazar at isang kaibigan na paalis sana upang mangisda.

Kaya naman sinabi  ni Justice Secretary Jesus Crispin Remulla na I -evaluate mabuti ang kaso ng Department of Justice (DOJ)at sampahan ng kaukulang kasong murder at hindi homicide ang mga sangkot na pulis.

.