NIYANIG ng isang malakas na lindol ang Cebu noong Martes ng gabi, ayon sa Philippine Institute of Volcanology and Seismology (Phivolcs).
Naitala ang pagyanig na may magnitude 6.7 ngunit kalaunan ay itinaas ito sa magnitude 6.9.
Sinabi ng mga eksperto na ang pagyanig ay tectonic, na ang pinagmulan na may lalim na limang kilometro, at naitala ito sa 21 kilometro hilagang-silangan ng Bogo City bandang 9:59 ng gabi.
Hindi bababa sa 20 katao ang nasawi sa lindol kabilang ang 13 mula sa Bogo City, at lima mula sa bayan ng San Remegio, at ikinasugat ng mahigit tatlong dosenang iba pa.
Naiulat rin sa isang local radio station na kabilang sa mga nasawi ay tatlong tauhan ng coast guard, isang bumbero, at isang bata. Apat ang hinila mula sa isang sports center sa San Remigio, habang isang 10 taong gulang na batang lalaki ang nadurog ng mga labi sa ibang lugar ng munisipyo.
“Naglalaro sila ng basketball sa loob ng sports complex tapos bumagsak,” sabi ni Police Capt. Jan Ace Elcid Layug, officer-in-charge ng San Remigio Police Station, na tumutukoy sa mga tauhan ng coast guard at isang bumbero.
Ang lindol ay nagpasindak sa mga residente na lumabas sa kanilang mga tahanan dahil maraming mga taganayon ang nasugatan habang ang mga kalsada, bahay at isang istasyon ng bumbero ay nasira.
Ang pagyanig ay nagdulot din ng pagkaputol ng mga linya ng kuryente, na humantong sa mga pagkawala ng kuryente sa buong Cebu at kalapit na center island, sinabi ng National Grid Corporation of the Philippines (NGCP) sa isang advisory, at idinagdag na tinatasa pa nito ang lawak ng pinsala.
Ang lumang Archdiocesan Shrine ng Santa Rosa de Lima sa bayan ng Daanbantayan, Cebu, ay gumuho at natabunan rin ng mga durog na bato kasunod ng paglindol.
Inanunsiyo ng shrine sa kanilang facebook page ang pagkansela ng misa at intayin ang mga sususnod na abiso sa publiko.
Napinsala rin ang iba pang simbahan sa Bantayan Island at Tabuelan .
Sinabi ng Archdiocese of Cebu na ang mga simbahang lubhang naapektuhan ng malakas na pagyanig ay hindi dapat gamitin sa pagdiriwang ng mga Misa hangga’t hindi sila nasusuri.
Sinabi ng pamahalaang panlalawigan ng Cebu na gumuho ang isang commercial building at isang paaralan sa Bantayan habang isang fast food restaurant sa Bogo City ang nasira.
Cebu Gov. “Sinabi ni Pamela Baricuatro na ina-assess pa nila ang pinsala ng lindol.
Sinabi ng mga opisyal sa San Remigio sa Facebook na pinaplano nilang magdeklara ng state of calamity para matulungan silang makakilos ng mga mapagkukunan para sa mga naapektuhan ng lindol.
Inihayag ng mga awtoridad na ang mga paaralan at mga gusali ng gobyerno sa Cebu ay isasara sa Miyerkules (Oktubre 1, 2025) upang bigyang-daan ang mga inspeksyon sa pinsala.
Samantala, iniulat din ng Phivolcs na naramdaman ang lindol sa mga sumusunod na intensity sa mga sumusunod na lugar: Intensity V sa Argao, Cebu; Sipalay City, Negros Occidental; Lapu-Lapu City at Tacloban City; intensity 4 sa San Fernando, Cebu; Bulan, Bulusan; Casiguran, Sorsogon; Roxas City, Capiz; Himamaylan City, Negros Occidental; Ubay, Bohol; Lawaan, Eastern Samar; Laoang, Northern Samar; Catbalogan City, Samar; at Dipolog Cty, Zamboanga del Norte.
Naitala ang Intensity 3 sa Legazpi City, Albay; Iriga City sa Camarines Sr; Donsol, Sorsogon at Tibiao sa Antique.
Asahann a rin ang mga aftershocks sa mga nasabing lugar.
About the Author
