Business

BY Ana Demerin

TULOY ang pausad ng panukalang pagbasura sa travel tax matapos aprubahan ng House of Representatives ang bersyon nito ng nauna nang inihain sa Senado ni Senate Minority Leader Alan Peter Cayetano sa pagbubukas ng 20th Congress noong July 2025. Inaprubahan nitong February 23, 2026 ng House Committee on Tourism ang naturang hakbang kasunod ng panawagang gawing mas abot-kaya ang paglalakbay para sa mga ordinaryong pasahero at palakasin ang tourism competitiveness ng bansa. “This shows that there is growing recognition that the travel tax has become an added cost for families and workers who simply want to travel for work, study, or to be with loved ones,” wika ni Cayetano. Bahagi ito ng priority bills ng senador ngayong Kongreso, kung saan itinutulak niya ang Senate Bill No. 424 — ang kauna-unahang panukala para sa abolishment ng travel tax — upang hikayatin ang mas maraming Pilipino na bumiyahe, mabawasan ang pasaning pinansyal ng mga pamilya, mapasigla ang turismo, at palakasin ang regional mobility sa loob ng Association of Southeast Asian Nations (ASEAN). “All Filipinos, especially senior citizens and persons with disabilities, must be able to travel freely, without any form of hindrance. This is a right guaranteed by the Constitution,” wika ni Cayetano sa kanyang panukala. Ang travel tax ay ipinataw sa ilalim ng Presidential Decree No. 1183 halos limang dekada na ang nakalilipas. Ayon kay Cayetano, hindi na ito tugma sa kasalukuyang kalagayang pang-ekonomiya at sa mga regional commitments ng bansa. Nakasaad din sa kanyang panukala ang pagbibigay ng exemption sa mga mamamayan ng ASEAN alinsunod sa ASEAN Tourism Agreement of 2002, na naglalayong unti-unting alisin ang mga travel levy sa pagitan ng mga kasaping bansa. Binabanggit sa bill ang mga pag-aaral na nagsasabing kahit may mawawalang kita ang gobyerno sa pag-alis ng travel tax, maaari namang mabawi ito — at higit pa — sa mas mataas na gastusin sa turismo at paglalakbay na magpapasigla sa mas malawak na ekonomiya. Ang panukalang ito ay nakatakdang talakayin ng Senate Committee on Ways and Means. “It is high time to give travelers a break and allow for tourism to flourish by removing one of the barriers to travel,” wika ni Cayetano. Ang panibagong pagtulak sa panukala ay kasunod ng panawagan ni Ferdinand Marcos Jr. sa Kongreso na unahin ang pagpasa ng batas na magtatanggal sa travel tax bago magtapos ang kasalukuyang sesyon. 

SAN Miguel Corp. (SMC) said it will again waive toll fees across its expressway network on Christmas...

BY Cyrill Quilo

Ni Len Dancel

BY Cyrill Quilo

THE Bagong Henerasyon (BH) Party-list has partnered with the Department of Trade and Industry’s Small Business Corporation...