SAMPUNG treasure hunter ang inaresto noong Huwebes habang naghuhukay sa shrine sa Bgy. Real De Cacarong, Pandi, Bulacan.
Sa ulat kay Police Regional Office 3 director Brig. Gen. Redrico Maranan, sinabi ng Bulacan police na inaresto sina Reynaldo Santos, 68, ng Bgy. Paltoc Angat, Bulacan; Soul Bayongasan, 27, driver; Jeremiah Taneo, 40; Hannah Joy Taneo, 21; Nathaniel Laoyan, 18; Sam Laoyan, 34; Danilo Cuebo, 40; Mark Laoyan, 38, isang magsasaka; William Santos, 37; at Mae Santiago, 20, pawang taga Carangyan, Nueva Ecija.
Ayon kay barangay captain Alejandro Angeles ng Bgy. Real de Cacarong, nakatanggap sila ng tawag na may ilang naghuhukay sa konkretong bakod na paanan ng Inang Filipina Shrine, isang historical tourist spot destination sa munisipalidad ng Pandi sa Bulacan at gumagawa ng tunnel.
Sinabi ng pulisya na nabigo ang mga suspek na magpakita ng anumang permit o dokumento na nagpapahintulot sa paghuhukay.
Sinabi sa grupo na labag sa batas ang kanilang ginagawa na naging dahilan ng pagkakaaresto sa kanila.
Dinala ang mga treasure hunter sa Pandi Municipal Police Station para sa karagdagang imbestigasyon.
Nasamsam mula sa mga suspek ang dalawang pala, isang bareta o bareta, isang jungle bolo, dalawang flashlight, isang mining detector at isang Toyota Hi-ace commuter van.
Lahat ng naarestong suspek ay sasampahan ng kasong paglabag sa RA 7942 o Philippine Mining Act of 1975 sa Prosecutor’s Office sa Lungsod ng Malolos sa Bulacan.
About the Author
