UMPISA na ngayong araw ng Enero 02, 2025 na bumiyahe mga brand new electric bus ng Quezon City Government na gagamitin sa Route 1 ng QCity Bus mula Quezon City Hall hanggang Cubao at vice versa.
Ang electric Q City buses ay mayroong mababang sahig kumpara sa mga pangkaraniwang bus para sa mas madaling pagpasok at pagbaba ng mga pasahero, pati na ang mas komportableng paglalakbay.
Mayroong 41 seating capacity sa mga electric Q City bus at mas marami ang espasyo para sa standing. Papayagan ang limitadong bilang ng standing na mga pasahero upang matiyak ang kumportable at ligtas na pasakay.
Walang pagbabago sa mga ruta at schedule ng Biyahe kaya naman mananatili ang parehong ruta at schedule ng mga electric Q City bus para sa Route 1, kasama na ang mga bus stops.
Mananatiling alalay ang ating mga kawani ng Traffic and Transport Management Department (TTMD) upang masiguro ang maayos na pagbiyahe sa Route 1 gamit ang makabagong electric Q City buses.
Ang hakbang na ito ay alinsunod sa pagsisikap ng Pamahalaang Lungsod Quezon na alagaan ang ating kapaligiran, at bawasan ang polusyon mula sa mga tradisyonal na sasakyan.
About the Author
