INARESTO si dating Gobernador ng Ilocos Sur na si Luis “Chavit” Singson nitong Huwebes ng hapon kaugnay ng kasong cyberlibel.
Batay sa inisyal na impormasyon, si Singson ay dinakip ng mga tauhan ng Quezon City Police District (QCPD) sa loob ng isang subdibisyon sa Barangay Ugong Norte, Quezon City, sa bisa ng isang warrant of arrest na inisyu ng korte.
Hindi pa inilalabas ng mga awtoridad ang karagdagang detalye tungkol sa kaso, kabilang ang mga partikular na paratang at ang sangkot na nagreklamo.
Wala ring agarang impormasyon kung nagpiyansa na si Singson o nananatili sa ilalim ng kustodiya ng pulisya habang isinasagawa ang mga kinakailangang legal na proseso.
Habang isinusulat ang balitang ito, hinihintay pa rin ng mga opisyal ang opisyal na pahayag mula kay Singson o sa kanyang kampo tungkol sa insidente.
About the Author
