INILUNSAD kamakailan ng Department of Budget and Management (DBM), sa pakikipagtulungan ng Metropolitan Manila Development Authority (MMDA), ang Green Green Green Program, isang inisyatiba na naglalayong suportahan ang mga benepisyaryo na lalawigan, lungsod, at munisipalidad sa pagsusulong ng green open spaces at mga proyektong pang-imprastruktura para sa active mobility.
Kasabay nito ay inilabas din ng DBM ang guidelines sa pagpapalabas ng pondo sa ilalim ng Local Government Support Fund (LGSF) -Green Green Green Program sa FY 2024 General Appropriations Act.
Ayon kay DBM Secretary Amenah “Mina” F. Panganaman, ito ay mahalagang hakbang para matupad ang hangarin ni Pangulong Ferdinand R.Marcos Jr. na Bagong Pilipinas.
“With the launch of the Green Green Program and inauguration of Roxas Blvd. Promenade Project, we are able to take a huge step towards fulfilling the President’s goal of a Bagong Pilipinas, where every Filipino is committed to the improvement of life in the community, involved in contributing to the maintenance of a healthy ecology, and devoted in providing secure environments that will benefit future generations,” pahayag ni Secretary Mina sa paglulunsad ng programa.
Binigyang-diin rin niya ang papel ng programa sa pagbabawas ng masamang epekto ng climate change.
Samantala, sinabi niMetropolitan Manila Development Authority (MMDA) Chairman Don Artes na buo ang suporta ng MMDA sa programang Green Green Green, dahil ito ay ganap na naaayon sa kanilang misyon na pahusayin ang kalidad ng pamumuhay sa lungsod.
“The MMDA expresses its full support for the Green Green Green program, as it aligns perfectly with the authority’s mission to enhance the quality of urban living,” ani ni Artes.
Idineklara rin niya na maglalaan ang MMDA ng karagdagang P200-million “supplemental fund” para sa 17 Metro Manila LGUs para sa Green Green Green program.
Isa ang MMDA sa mga implementing agency para sa Green Green Green Program, kasama ang Department of Human Settlements and Urban Development.
Kabuuang ₱1.055 bilyon ang inilaan ng DBM para sa Green Green Green Program para sa 80 lokal na pamahalaan sa buong bansa, kabilang ang 38 lalawigan, lungsod, at munisipalidad sa Luzon (kabilang ang Metro Manila), 21 sa Visayas, at 21 sa Mindanao.
Ang mga sumusunod ay ang mga LGU na makikinabang:
*National Capital Region (NCR):* Caloocan City, Las Piñas City, Makati City, Malabon City, Mandaluyong City, City of Manila, Marikina City, Muntinlupa City, Navotas City, Parañaque City, Pasay City, Pasig City, Quezon City, San Juan City, Taguig City, Valenzuela City, at Pateros;
*Region III:* Bataan, Bulacan, Pampanga;
*Region IV-A:* Mga Lalawigan ng Batangas, Laguna, Rizal, Cavite; Bacoor City, Cavite City, Dasmarinas City, Gen. Mariano Alvarez, at Rosario, Cavite; Biñan City, Cabuyao City, San Pedro City, Santa Rosa City, Laguna; Angono, Cainta, at Taytay, Rizal;
*Region V:* Camaligan, Camarines Sur;
*Region VI:* Mga Lalawigan ng Aklan, Capiz, Guimaras, Iloilo, at Negros Occidental; Iloilo City, Bacolod City, Kalibo (Capital), Malay, Estancia, and Pavia;
*Region VII:* Cebu at Negros Oriental; Cebu City, Lapu-Lapu City, Mandaue City, Talisay City, Cordova, Liloan, at Minglanilla; at Dumaguete City (Capital);
*Region VIII:* Biliran;
*Region X:* Camiguin, Misamis Occidental, Misamis Oriental, at Lanao del Norte; Cagayan de Oro City, Baloi, Lugait, at Villanueva;
*Region XI:* Davao del Norte at Davao del Sur; Panabo City at Tagum City;
*Region XII:* South Cotabato at Sultan Kudarat; General Santos City at Cotabato City;
*Region XIII:* Surigao del Norte at Dinagat Islands; Surigao City (Capital) at San Jose (Capital); at
*Bangsamoro Autonomous Region in Muslim Mindanao (BARMM):* Lanao del Sur at Sulu; Marawi City (Capital), Indanan, Jolo (Capital), at Maimbung.
Nakalaan ang pondo para sa pagtatayo, rehabilitasyon, pagsasaayos, o pagpapabuti ng mga green open spaces, kabilang ang mga pampubliko parke at plasa.
About the Author
