BILANG pagpapakita at magpaabot ng pagkalinga sa mga nakatatanda, naglaan ang administrasyon ni Pangulong Ferdinand R. Marcos Jr. (PBBM) ng kabuuhang P49.8 bilyon para pondohan ang Social Pension for Indigent Senior Citizens (SPISC) sa ilalim ng FY 2025 National Expenditure Program (NEP).
Titiyakin nito ang patuloy na implementasyon ng social protection program ng Department of Social Welfare and Development (DSWD) para mga Pilipinong senior citizen.
“Acknowledging the importance of caring for our elderly – not just as a moral imperative but as a reflection of our nation’s values and commitment to an inclusive society – the Social Pension for Indigent Senior Citizens will receive a budget of P49.8 billion for 4,085,066 indigent senior citizens who will receive a monthly allowance of P1,000 to supplement their daily living and medical expenses,” pahayag ng Pangulo sa kanyang Budget Message.
“Sinusunod lamang po natin ‘yung direktiba ng Pangulo na bigyang pagkalinga at malasakit ang ating mga elderly. Nararapat lang din po na may sapat na pondo ang mga programang ito para nakukuha po ng ating mga lolo’t lola ‘yung mga benepisyo na nakalaan para sa kanila,” sinabi ni DBM Secretary Amenah “Mina” F. Pangandaman.
Nagsimulang tumanggap ng buwanang benepisyo na P1,000 ngayong taon ang mga kwalipikadong benepisyaryo ng SPISC Program kasunod ng pagpapatupad ng Republic Act (R.A) No. 11916, na dumoble sa kanilang buwanang pensyon mula P500.
Expanded Centenarians Act makatatanggap ng mahigit P3 bilyon sa 2025
Samantala, sa pagpapatupad naman ng Expanded Centenarians Act, may kabuuang P3 bilyon ang inilaan para pondohan ang P100,000 na cash gift para sa mga Pilipino na narating ang edad na 100, pati na rin ang pamimigay ng P10,000 cash benefit para sa lahat ng Pilipino na may edad na 80, 85, 90, at 95.
Kung matatandaan, pinirmahan ni Pangulong Bongbong Marcos bilang batas ang R.A. 11982 noong Pebrero 2024, na nagpapalawak sa sakop ng R.A. 10868, para magbigay ng benepisyo at suporta sa Octogenarians at Nonagenarians.
“As emphasized by the President in his latest SONA, the proposed National Budget for FY 2025 was crafted with utmost care, diligence, and meticulous attention. And we expect our proposed budget will be adhered to as closely as possible. This is to ensure that programs like these will continue to serve our kababayans,” ani Secretary Mina.
About the Author
