PINAGSASAKSAK ng 68 na beses ang 18-anyos na senior highschool student ng kanyang nobyo dahil sa ayaw ipalaglag ang sanggol nito sa kanyang sinapupunan sa Barangay Maahas, Los Banos lalawigan ng Laguna.
Nagsasagawa na ng manhunt operation sa dalawang suspek kabilang ang nobyo ni alyas Elsa na nanaksak makalawa ng gabi sa riles ng tren sa nabanggit na lugar dahil sa gustong ipalaglag umano ng suspek ang kanilang baby
Sa inisyal na ulat ng Los Banos pulis, ibinahagi ng Barangay Maahas ang CCTV footages noong Miyerkules ng gabi kung saan naglalakad ang biktima sa madilim na bahagi ng riles ng tren nang may dalawang lalaking lumapit rito at saka pinagsasaksak na umabot sa 68 beses.
Matapos ang ilang minuto ng insidente ng pananaksak ay nagmamadaling tumakas ang dalawang kalalakihan .
Agad namang humihingi ng saklolo ang biktima sa mga taong dumaraan doon ngunit kahit isa sa mga ito ay walang huminto at tumulong.
Sa ngayon ay pinaghahanap na ng pulisya ang mga suspek habang nagpapagaling na sa ospital ang biktima.
About the Author
