SINALAKAY ang isang drug den kung saan naaresto ang limang suspek, kabilang ang tatlong babae, sa Sitio Maite, Bgy. Tenejero, Balanga, Bataan .
Nakilala ng Philippine Drug Enforcement Agency – Bataan Provincial Office ang mga naaresto na sina Ana Marie Acosta na kilala bilang “Jenny,” 48, mula sa Sitio Maite, Bgy. Tenejero; Edmond Santos, 52, mula sa Sitio Maite, Bgy. Tenejero; Sheryl Gamat na kilala bilang “Che-Che,” 39, mula sa Sitio Maite, Bgy. Tenejero; Elmer Barias, 31, mula sa Saint Rose, Bgy. Camacho; at Joana Marie Bautista, 26, mula sa Saint Rose, Bgy. Camacho, lahat ay taga- Balanga City.
Kumpiskado ang limang gramo ng shabu na nagkakahalaga ng P102,000, iba’t ibang drug paraphernalia, at ang buy-bust money.
Isinagawa ang operasyon ng pinagsamang elemento ng PDEA Bataan Provincial Office, PDEA Bataan Seaport Interdiction Unit, Bataan Police Provincial Drug Enforcement Unit, Balanga City Police Station, at 1st Provincial Mobile Force Company.
Lahat ng naaresto ay kakasuhan ng paglabag sa Republic Act 9165 o ang Comprehensive Dangerous Drugs Act of 2002.
