NAGKASALPUKAN ang isang tricycle at motorsiklo sa Santa Rosa, Nueva Ecija noong Sabado na humantong sa pagkamatay ng tatlong batang magkakapatid.
Nakilala ang mga biktima bilang sina Marcus Kellex Santillan, 10; at ang kanyang mga kapatid na babae na sina Kayelle Alexa, 6; at Mikyla Tessa, 2, mula sa Bgy. Kalikid Sur, Cabanatuan City.
Ang kanilang amang si Michael ay ginagamot sa ospital dahil sa malubhang pinsala sa ulo.
Isa sa magkakapatid na si Liway ay nakaligtas sa insidente matapos siyang protektahan ng kanyang Kuya Marcos Kellex mula sa aksidente.
Ang aksidente ay nangyari sa Cabanatuan-Fort Magsaysay Road sa Bgy. Mapalad bandang 11 p.m. noong Sabado.
Sinasakyan ng mga biktima ang isang tricycle na minamaneho ng kanilang ama nang mangyari ang aksidente.
Parehong kumaliwa ang tricycle at motorsiklo sa isang interseksyon nang maganap ang salpukan.
Dahil sa lakas ng pagkabangga, humagis ang tatlong bata mula sa traysikel at namatay sa lugar.
Ang ama at ang kanyang mga anak ay pauwi mula sa isang 40-day memorial service ng isang kamag-anak nang mangyari ang insidente.
Humihingi naman ng tulong ang pamilya upang matustusan ang mga medikal na pangangailangan at gastusin ng sugatang ama.
About the Author
