TIKLO ang tatlong magnanakaw na sumalakay sa convenience store sa Barangay Marinig, Cabuyao City noong Huwebes ng gabi, Sept.11.
Kinilala ng pulisya ang mga suspek na sina Jason, 26; Reynaldo, 41, at Ronel, 24.
Habang pinaghahanap pa rin ang isa pa nilang kasama.
Nahuli ang mga suspek sa isinagawang hot-pursuit operation matapos ang pagnanakaw sa isang convenience store dakong ala-1:30 ng madaling araw noong Setyembre 10 sa Barangay Gulod .
Nakita sa cctv footage ang mga suspek na armado ng .38 caliber revolver saka mabilis na tumakas sakay ng dalawang motorsiklo.
Samantala tinutugis na ng pulisya ang natitirang suspek.
About the Author
