DALAWANG overseas Filipino worker (OFW) ang namatay sa sunog na tumama sa isang bahay sa Kuwait, ayon sa Department of Migrant Workers (DMW) nitong Biyernes.
Parehong taga Capiz ang mga biktima.
Iniulat ni Labor Attaché Manuel M. Dimaano ng DMW Migrant Workers Office (MWO) sa Kuwait na sumiklab ang sunog noong Disyembre 2 sa isang tirahan sa Al Adan area ng Mubarak Al Kabeer governorate, timog ng Kuwait City.
“Ayon sa ulat, ang sanhi ng pagkamatay ng mga manggagawa ay dahil sa paglanghap ng hindi makahinga, nakakalason na gas mula sa apoy,” sabi ni Dimaano.
Aniya, kasalukuyan nilang pinangangasiwaan ang mga legal na pamamaraan at tinutugunan ang mga alalahanin kaugnay ng insidente.
Pinoproseso na ngayon ng MWO sa Kuwait ang mga dokumento para sa pagpapauwi ng mga labi ng mga biktima sa kanilang mga pamilya sa Pilipinas.
About the Author
