PATAY ang isang lalaki na natutulog sa labas ng bahay ng ina ng kanyang kaibigan noong Miyerkules sa San Rafael, Bulacan.
Natukoy ng mga awtoridad ang biktima na si Aron Adrian Bation, ng Purok 3, Bgy. Caingin, San Rafael, Bulacan.
Sa inisyal na imbestigasyon , natutulog si Bation sa isang kahoy na kama nang dumating ang dalawang lalaking sakay ng motorsiklo.
Bumaba ang backrider sa motor, bumunot ng baril saka paulit-ulit na binaril ang biktima.
Namatay si Bation sa lugar habang mabilis na tumakas ang mga suspek matapos ang pag-atake ng baril,
Agad namang kinordon ng San Rafael police ang lugar at humiling ng alarma sa mga kalapit na istasyon ng pulisya para sa posibleng pagdakip sa mga suspek,
About the Author
