INAASAHANG maipapamahagi ang halos isang milyong Bayanihan SIM card sa pagtatapos ng taon.ayon ito Department of Information and Communications Technology (DICT) nitong Miyerkules.
Ang hakbanging ito ay upang matugunan ang humigit-kumulang limang milyong Pilipino na makakonekta sa internet mula sa malalayong lugar,
Ito ang tugon ni DICT Secretary Henry Aguda DICT sa isang talakayan kasunod ng ika-apat na State of the Nation Address ni Pangulong Ferdinand R. Marcos Jr. noong Lunes .
Ayon kay Aguda , mabilis nilang sinusubaybayan ang Bayanihan SIM Card Project dahil pangunahing layunin nitong suportahan ang online learning para sa mga mag-aaral sa geographically isolated and disadvantaged areas (GIDAs).
Mamamahagi ang DICT ng may kabuuang 1,008,000 SIM card hanggang sa susunod na taon. Sa una, inaasahan ng DICT na humigit-kumulang 600,000 SIM card lamang ang maipapamahagi ngayong taon, at ang balanse ay ipapamahagi sa 2026.
Ang bawat SIM card ay may kasamang 25 gigabytes ng magagamit na data, na awtomatikong nire-renew buwan-buwan at may bisa sa loob ng isang taon.
Dahil sa pangunahing layunin ng proyekto, sinabi ni Aguda na ang mga cell site na nag-accommodate sa mga Bayanihan SIM card ay itatayo malapit o sa pampublikong paaralan.
Ang mga kumpanya ng telekomunikasyon ay maglalagay ng mga cell site nang walang gastos sa gobyerno, dagdag pa ni Aguda.
Ang mga estudyante at guro ang pangunahing benepisyaryo ng proyekto, ngunit maaari rin nilang dalhin ang mga SIM card sa bahay para magamit ng kanilang mga pamilya.
About the Author
