ATM sa loob ng supermarket ninakawan, 300k natangay
Ni Alex dela Cruz
LAGUNA- Sinalakay ng apat na kawatan ang isang ATM o Automated Teller Machine sa loob ng commercial establishment sa lalawigan ng Laguna nitong araw ng kapaskuhan.
Sa ulat na nakarating kay Laguna Provincial Director Police Col.Randy Glenn Silvio , natuklasan ni Glenje Opeña,51 anyos, store manager ng Puregold Commercial complex sa Barangay Balibago ang pangyayari
Bandang alas 7:30 ng umaga nang mapansin ni Opeña na wala na sa tamang lugar o orihinal na posisyon ang ATM machine ng Metrobank .
Nang kanya itong lapitan na distrongka na ito gamit ang matigas na bagay upang makuha ang cash.
Napansin din ang isang butas sa pader na hinihinalang dinaanan ng mga kawatan kaya mabilis silang nakatakas.
Agad na kinihaan ng pahayag ang mga sekyu sa lugar at ayon sa isa sa kanila ay sinabing depektibo ang alarm system .
Tinatatayang 300,000 piso ang halagang nanakaw sa ATM at sa ngayon ay patuloy pa rin ang imbestigasyon sa pangyayari.
