Calamba City, Laguna- ISANG empleyado ng South Luzon Expressway (SLEX) ang di- umano’y pinagbababril ng dalawang security guard matapos makipag-away sa Barangay Batino, Calamba City ng lalawigang ito noong Sabado ng hapon.
Nag-viral sa social media ang isang video footage ng insidente malapit sa administration building ng Calamba Premier International Park( CPIP).
Ang biktima ay natukoy na si Ronald at ang kasama nitong si Robert Santilla, ay nagpapahinga malapit sa perimeter fence ng CPIP bandang ala-1 :15 ng hapon.
Ang mga gwardiya naman ay nakilalang sina alyas Demetrio at Al Jun na parehong sekyu mula sa Hunter Security Agency .
Nag-ugat ang pagtatalo ng dalawang grupo nang paalisin ang dalawang empleyado hanggang sa nauwi sa barilan.
Sa imbestigasyon , makikita sa cctv footage na umalis si Demetrio at nang bumalik ito’y mayroon ng dalang baril.
Sa video makikita na binaril ng gwardya ng ilang beses si Ronald hanggang sa mamatay habang mabilis na tumakas naman ang suspek .
Agad namang inaresto si Al Jun.
