NAGBITIW na sa kanyang puwesto si National Bureau of Investigation (NBI) Director Jaime Santiago ayon ito sa kumpirmasyon ng Malacañang nitong Sabado.
Binanggit ni Santiago ang isang “orchestrated move to blacken his reputation” bilang dahilan ng kanyang paghahain ng resignation.
Sinabi ni Palace Press Officer na si Claire Castro, sa isang mensahe sa text sa mediamen na kumpirmado na si Santiago ay naghain ng kanyang pagbibitiw ngunit hindi isiniwalat ang iba pang mga detalye.
Sinabi niya na hindi pa tinatanggap ni Pangulong Ferdinand Marcos Jr. ang pagbibitiw ni Santiago
“Nagsumite siya (Santiago) ng kanyang pagbibitiw,” sabi ni Castro nang tanungin tungkol sa pagbibitiw ni Santiago. “Walang komento mula sa Pangulo sa ngayon,” dagdag niya.
Sa kanyang liham sa Pangulo na may petsang Agosto 15, 2025 at itinuro sa pamamagitan ng Executive Secretary Lucas Bersamin, sinabi ni Santiago na ihaharap niya ang kanyang “irrevocable resignation” na epektibo kaagad sa appointment ng kanyang kapalit.
Isang kopya ng kanyang resignation letter ang ibinahagi sa mga miyembro ng media noong Sabado.
Sinabi niya na ang mga detractors at ang mga may masamang interes sa kanyang posisyon ay gumagawa ng mga hakbang upang sirain ang kanyang reputasyon.
Hindi pinangalanan ni Santiago ang mga nasa likod ng umano’y pagsisikap na madungisan ang kanyang pangalan at hindi rin siya nagbigay ng karagdagang detalye.
Itinalaga ni Marcos si Santiago bilang hepe ng NBI noong Hunyo 2024.
Noong Mayo 2025, isinumite ni Santiago ang kanyang courtesy resignation bilang bahagi ng direktiba ni Marcos para sa mga pinuno ng ahensya na lisanin ang kani-kanilang mga puwesto sa gitna ng pagsisikap na i-recalibrate ang kanyang administrasyon.
Isang retiradong hukom, si Santiago ay nanunungkulan bilang hepe ng NBI noong Hunyo 14, 2024. Nagsilbi siyang piskal mula 2003 hanggang 2006 bago naging presiding judge ng isang regional trial court sa Maynila.
About the Author
