
NAGBABALA ang dalawang kilalang research group sa mga nakalilitong survey sa mga kandidato na mga nagmamarunong sa matematika.
Ayon kay Dr. Guido David ng OCTA Research, walang katiyakang base sa totoong pulso ng masa ang mga naglabasang surveys na hindi nakabase sa wastong paraan ng pangangalap ng datos kaugnay ng nalalapit na halalan sa Mayo.
“These other surveys, I mean it’s not necessarily fake, they could have conducted it, an online survey or something, but the fact that it can be misrepresented to be of a certain level, which is comparable to survey results of established companies or firms that use sound methodologies,” ani Guido sa Kapihan sa Manila forum.
Ayon naman kay Pulse Asia president Ronald Holmes, bagamat may kanya-kanyang paraan ang mga research organizations sa pangangalap ng datos sa kanilang pinangangasiwaang survey, hindi aniya angkop na sabihing pulso ng masa ang mga inilalabas na resulta.
“Unfortunately, those non-representative surveys have been reported without the details in terms of how the survey was done,” sambit ni Holmes, kasabay ng giit na dapat ihayag rin ang paraang ginamit sa pagtatala ng mga datos ng mga lumahok, mga katanungan sa survey, sampling designs at iba pa.
Sa panig naman ni OCTA Research fellow Prof. Ranjit Rye, madalas wala sa mga tinawag niyang kalye surveys ang “sampling designs, distributions, and methods.” “If the survey company is transparent when it comes out with a result, it would provide the question that it asked, provide other details, the sampling design, distribution, and the method,” hirit ni Rye.