BALIK operasyon na ang LRT 1 matapaos tumalon ang isang 26-anyos na lalaki sa riles ng tren sa bahagi ng southbound Blumentritt Station kaninang umaga.
Ayon sa Department of Transportation bigla na lamang tumalon ito sa LRT 1 habang paparating ang isang tren kaya naman agad na tinapakan ng operator ang emergency brake .
Agad na ipinatupad provisional service mula sa Baclaran hanggang Central Station kaninang alas 6:12 ng umaga .
Nailigtas ng first reponders ang pasahero na nagtamo ng gasgas sa ulo at naputol ang kanyang kaliwang paa.
Agad siyang isinugod sa pagamutan at kasalukuyang nasa stable condition.
Ibinalik na sa normal ang operasyon sa LRT 1 station mag-aalas 7 ng umaga.
