INARESTO ng mga operatiba ng Bureau of Immigration (BI) Fugitive Search Unit (FSU) ang isang 21-taong-gulang na Russian vlogger na nag-viral sa social media dahil sa pagbabanta na magkalat ng HIV habang nasa Pilipinas.
Agad na inaresto sa loob ng isang gusali ng condominium sa Quezon City ang dayuhan si Nikita Chekhov.
Base sa ulat kay BI Commissioner Joel Anthony Viado dumating si Chekhov sa bansa bilang isang turista noong Enero 15 at agad na nag-upload ng mga video na kinunan sa Bonifacio High Street sa Taguig, kung saan gumawa siya ng mga nakababahalang pahayag na balak niyang magkalat ng HIV habang nananatili siya sa Pilipinas.
Ang mga video—na pinaniniwalaang ginawa bilang nilalaman ng “rage bait”—ay nagdulot ng malawakang pag-aalala at takot sa mga residente at mga online user.
Agad namang ipapa-deport ang Russian vlogger na si Vitaly Zdorovetskiy dahil sa paggawa ng mga hindi kanais-nais na gawain sa Bonifacio Global City.
Si Chekhov ay tubong Taganrog, Rostov Oblast, Russia, at dumating sa Pilipinas mula sa Shanghai, China at wala siyang kilalang kamag-anak sa bansa.
“Ang mga tinatawag na rage-bait na video na ito ay iresponsableng nagdudulot ng takot at panik sa publiko,” sabi ni Viado. “Ang mga dayuhang mamamayan na pumupunta sa Pilipinas upang magpakalat ng alarma, hindi gumalang sa ating mga kababayan, o abusuhin ang ating pagtanggap ay hindi malugod na tinatanggap at mahaharap sa deportasyon.”
Si Chekhov ay inilagay sa detention facility ng BI habang hinihintay ang mga proseso ng deportasyon, katulad ng mga aksyon na ginawa laban sa iba pang mga dayuhang mamamayan na gumawa ng mga hindi kanais-nais na gawain habang nasa bansa.
About the Author
