NAKABALIK na sa bansa ang labindalawang Pilipinong nabiktima ng illegal recruitment at human trafficking sa Myanmar .
Ligtas na nakarating ang mga biktima sa NAIA Terminal 3 sa Pasay City noong 19 Pebrero 2025 sakay ng Cebu Pacific 57864 sa pamamagitan ng magkasanib na pagsisikap ng Philippine Embassy and Migrant Workers Office sa Bangkok.
Agad na binigyan ng Department of Migrant Worker (DMW) ng agarang tulong, ang mga biktima kabilang ang psychosocial services, financial aid, at legal aid mula sa isang whole-of-government team na binubuo ng kagawaran , Bureau of Immigration (BI), Department of Social Welfare and Development (DSWD), National Bureau of Investigation (NBI), Department of Justice (DoJ), at NAIA Task Force Against Trafficking (NAIA-TFAT).
Ang mga biktima ay na-recruit sa pamamagitan ng Facebook ng isang Pinoy na nag-alok ng trabaho bilang customer sales representative sa Myanmar at magtrabaho bilang online scammers nang walang suweldo o araw ng pahinga.
Pisikal silang inabuso, binugbog ng PVC sticks, at nakuryente. Minsan, napipilitan silang gawin ang duck walk, frog walk, tumalon, at maglupasay nang ilang oras.
Dahil sa mapagsamantalang sitwasyon, humingi ng permiso ang mga manggagawa na umalis, ngunit humingi ng $15,000 ang kanilang amo. Dahil hindi makabayad, tumakas ang mga empleyado sa scam city at tinulungan sila ng militar ng Myanmar.
Kabilang sila sa 250 katao na hawak sa Myanmar scam center at inilabas sa hangganan ng Thai, Phop Phraas, na iniulat noong nakaraang linggo.
Inulit ng DMW ang babala nito sa mga OFW at Filipino na naghahanap ng mga oportunidad sa trabaho sa ibang bansa na maging mas maingat laban sa mga kahina-hinalang alok ng trabaho sa mga social media platform at palaging i-verify ang pagiging lehitimo ng kanilang gustong ahensya at ang mga aprubadong job order nito sa pamamagitan ng DMW website (https://dmw.gov.ph/).
Dagdag pa, anumang kahina-hinalang aktibidad na may kinalaman sa illegal recruitment at human trafficking ay maaaring iulat sa DMW Migrant Workers Protection Bureau sa pamamagitan ng kanilang Facebook page sa https://www.facebook.com/dmwairtip, email sa mwpb@dmw.gov.ph, o sa pamamagitan ng kanilang hotline number +63 2 8721-0619 para sa legal na tulong.
About the Author
