IPINANAWAGAN sa senado na ipatupad ang obligadong paglalaan ng pondo mula sa sin tax para sa PhilHealth, kasunod ng pagbibigay ng zero budget sa ahensya sa ilalim ng 2025 national appropriations.
Suportado ni Senator Pia S. Cayetano ang isang petisyon na inihain sa Korte Suprema ng Medical Action Group at Social Watch Philippines kung saan iginiit nilang nilabag ng pamahalaan ang Republic Act 11346 sa hindi paglalaan ng earmarked revenues mula sa sin taxes para sa PhilHealth. Hiniling din ng mga grupo ang pag-remit ng mga hindi naibigay na bahagi ng pondo mula pa noong 2019.
“The sin tax law is clear,” ayon kay Cayetano. “A portion of revenues from tobacco and sugar sweetened beverages must go to PhilHealth to fund the delivery of healthcare services to the Filipino people. Ignoring this is a violation of the law and a disservice to our most vulnerable sectors.”
Sa panahon ng deliberasyon ng 2025 budget ng PhilHealth, muling binigyang-diin ni Cayetano–na nagsilbing Senior Vice-Chairperson ng Senate Committee on Finance na humawak ng health budget–ang kanyang mga pangamba sa kabiguang sundin ng pamahalaan ang mga itinatakda ng Sin Tax law. Aniya, hindi bababa sa ₱69.81 bilyon mula sa sin taxes ang nararapat na nailaan sa PhilHealth para sa taong iyon. Nilagdaan din niya ang bicameral report ng 2025 General Appropriations Act na may kalakip na reservation, kung saan binanggit ang kanyang “objection to the removal of government subsidy for PhilHealth.”
“PhilHealth’s accumulation of excess funds is an equally important issue, but it should be addressed separately. Fiscal discipline and accountability are important, but they cannot justify abandoning funds legally designated for PhilHealth,” dagdag pa niya. “This is about upholding the law and protecting the rights of millions of Filipinos who rely on PhilHealth coverage.”
About the Author
