ISANG British national na “high-value” drug target ang naaresto noong Linggo sa isang anti-illegal drugs operation sa Brgy. Balibago, Lungsod ng Angeles, Pampanga.
Naaresto si Christopher Eyra alias “Christ,” 56 taong gulang, isang British national na pansamantalang nanunuluyan sa VRR Apartelle sa Ramon Jose St., Brgy. Balibago, Angeles City.
Ayon kay Angeles City Police Director Col. Amado Mendoza Jr., isinagawa ng mga tauhan ng Station Drug Enforcement Unit ng Police Station 1 ang buy-bust operation sa harap ng Hikaru Nail Salon sa kanto ng Teodoro Street at Fields Avenue, Brgy. Balibago.
Nakumpiska mula sa Briton ang hindi bababa sa dalawang gramo ng shabu na nagkakahalaga ng P13,600.
Ang suspek ay kasalukuyang nasa kustodiya ng pulisya ng lungsod ng Angeles.
