NAPIGILAN ang isang Chinese na lalaki ng Bureau of Immigration (BI) na may nabinbing kaso ng kidnapping at pagdedetine sa kanyang kababayan sa Pampanga, tatlong taon na ang nakalilipas.
Sa isang ulat kay Immigration Commissioner Norman Tansingco, kinilala ng border control at intelligence unit (BCIU) ng BI ang pasahero bilang si Hu Zhen, 25 taong gulang, na naharang noong Lunes sa NAIA terminal 3 bago siya makasakay sa kanyang flight papuntang Singapore.
Iniulat ng BCIU na hindi pinayagan si Hu na umalis matapos kumpirmahin ng immigration na siya ay may nakabinbing hold departure order (HDO) na inilabas ng regional trial court sa Angeles City.
“He is required to his court case before he can have his name lifted from the bureau’s hold departure list, as he claimed that said case was already dismissed,”sabi ni BI-BCIU overall deputy chief Joseph Cueto.
Nakita sa talaan na isang kasong kidnapping and serious illegal detention for ransom ang isinampa laban kay Hu at tatlong iba pang mga Chinese na lalaki bago ang Angeles City RTC Branch 56 noong Marso 30, 2020.Inakusahan ang mga akusado na inalipin ang biktima ng mahigit dalawang linggo at humiling ng ransom na 300,000 Renminbi para sa kanyang paglaya. Gayunpaman, siya ay pinalaya nang maligtas ng isang team ng mga pulis mula sa anti-kidnapping task force ng PNP noong Marso 15, 2020.
About the Author
