HUMAKOT ng parangal ang Criminal Investigation and Detection Group Calabarzon sa ginanap na ika-71st CIDG Founding Anniversary nitong Enero 19, 2024 sa Camp Crame lungsod Quezon.
Itinanghal ang CIDG 4A bilang Best Regional Field Unit for CY 2023 na pinamumunuan ni Regional Chief Police Colonel Jacinto R Malinao Jr.
Nakatanggap rin ng karangalan ang CIDG Cavite bilang Best Provincial Field Unit (Category A) sa pangunguna ni Provincial Officer Police Lt. Col. Bryan Dexter C Andulan.
Nagwagi rin bilang Best Provincial Field Unit (Category B) at Best Junior Police Commissioned Officer for Operations ang CIDG Rizal sa pamumuno ni Provincial Officer PMaj Leopoldo B Cajipe Jr.
Nasungkit rin ang Special Award- na Best in OPLAN PAGTUGIS (Campaign for Wanted Persons) ng CIDG Region 4A.
Samantala , ginawaran rin ng parangal ang mga civilian awardees o stakeholders na sina Hon. Jay M Ilagan, Vice Mayor ng Mataas na Kahoy, Batangas at Chairman ng Regional Advisory Group, CIDG 4A at Mr. Charlie Shin ang Vice Chairman ng Regional Advisory Group ng CIDG 4A.
