NASA pangangalaga na ngayon ng Philippine National Police (PNP) ang isang dating miyembro ng di-umano’y private army ni Apollo Quiboloy na “Angels of Death” .
Sinabi ni Col. Jean Fajardo, tagapagsalita ng PNP noong Biyernes, na ang taong ito ay kabilang sa Police Regional Office 11 (Davao).
Kinumpirma ng dating miyembro ng “Angels of Death” ang pagkakaroon ng grupo na nagbibigay ng mga banta at pananakot sa mga biktima ng nakadetineng lider ng Kingdom of Jesus Christ (KOJC).
“Muli, ito ay mga alegasyon at hahayaan namin ang korte na magpasya kung may batayan ang mga claim na ito. Ngunit mayroong taong nagsiwalat ng impormasyon na maaaring magpapatunay sa mga testimonya na ibinigay ng mga biktima at binanggit ng taong ito ang ilang partikular na kaso, na hindi namin maaaring ibunyag sa ngayon,” sabi ni Fajardo sa isang press briefing sa Camp Crame.
Sinabi niya na sinusuri ng PNP nang husto kung ang taong ito ay talagang miyembro ng “Angels of Death.”
Ayon kay Fajardo, batay sa unang pag-verify mula sa PNP Firearms and Explosives Office, ang ilang di-umano’y miyembro ng “Angels of Death” ay may nakarehistrong mga baril sa ilalim ng kanilang mga pangalan.
Ang “Angels of Death” ay nabanggit ng mga di-umano’y biktima ng panggagahasa ni Quiboloy na nagsumbong sa pulisya.
Ayon sa PNP, sinabi ng mga biktima na binabalaan sila na kung magsasabi sila sa kahit sino tungkol sa kanilang mga sexual encounters kay Quiboloy, sila ay hahanapin ng “Angels of Death.”
Si Quiboloy ay kasalukuyang nakadetine sa PNP Custodial Center sa Camp Crame, Quezon City.
Naisyu ang mga arrest warrant laban sa lider ng KOJC at ilang iba pa dahil sa di-umano’y paglabag sa Special Protection of Children Against Abuse, Exploitation, and Discrimination Act pati na rin sa qualified human trafficking.
Pinabulaanan naman ni Quiboloy at iba pang co-accused sa mga kaso.
About the Author
