May 22, 2024

The Insider News

Direct from the source

Higit 8K na Centenarians nakatanggap na ng P100k

Ni Cyrill Quilo

UMAABOT na sa higit 8,000 Pilipino ang nakaabot ng edad na 100 taong gulang o centenarian ang nabigyan ng pamahalaan ng tig-P100,000 insentibo.

Ayon sa Department of Social Welfare and Development (DSWD), mula nang maipasa ang Republic Act 10868 o ang Centenarians Act of 2016, nasa 8,568 indibidwal ang nakatanggap nito.

Base sa inilabas na datos noong 2016, nasa 2,739 centenarians ang nakatanggap ng P100,000 cash; 940 noong 2017; 1,509 noong taong 2018; 1,090 noong taong 2019; 985 noong taong 2020 at 1,305 nitong nakaraang taong 2021.

Nakatanggap din ang mga benepisyaryo ng isang Felicitation Letter mula sa Pangulo.