ISANG Koreana ang natagpuang patay noong Biyernes sa loob ng isang condominium unit sa Clark, Pampanga.
Sa ulat kay Police Regional Office 3 director Brig. Gen. Jose Hidalgo Jr., kinilala ni Mabalacat City police chief Lt. Col. Alfredo Canlas ang biktima bilang si Jun Jingsook, isang naninirahan sa Rm. 805, L6 Tower Building D, Heights Clarkfield, Pampanga.
Nakatanggap ang pulisya ng tawag mula sa isang malapit na kaibigan ni Jun Jingsook na si Cristy Yang ng Bgy. Cut Cut sa Angeles City, na hiningi na tingnan ang biktima.
Pumunta si Yang sa condo unit ng biktima at na-shock nang makita si Jingsook na duguan sa sahig.
Agad na tinawagan ni Yang ang pulisya.
Ang mga gamit ng biktima ay nasa kanyang lugar at walang namang naiulat na nawawala.
Sa ngayon ay patuloy ang pagsasagawa ng imbestigasyon ng pulisya.
About the Author
