Pagpapailaw ng Christmas Tree sa Kapulungan
PORMAL na binuksan ng Kapulungan ng mga Kinatawan ang mga aktibidad sa kapaskuhan ngayong Lunes matapos na idaos ang tradisyunal na pagpapailaw ng Christmas tree sa Main Lobby ng Batasan Complex.
Sabay sabay na pinailawan nina House Speaker Ferdinand Martin Romualdez, Majority Leader Manuel Jose “Mannix” Dalipe, Senior Deputy Majority Leader Ferdinand Alexander Marcos, Committee on Accounts chairperson Tingog Party-list Rep. Yedda Marie Romualdez, Congressional Spouses Foundation, Inc. President former Deputy Speaker Rose Marie “Baby” Arenas, na sinamahan ni First Lady Louise “Liza” Araneta-Marcos, ang higanteng Christmas tree sa labas lamang ng Plenary Hall. Ang seremonya ay sinaksihan nina
Deputy Speaker Antonio “Tonypet” Albano at iba pang mga pinuno at miyembro ng Kapulungan, kabilang ang mga opisyal, kawani at mga congressional staff.
