BUO ang suporta ng isang mambabatas sa Sexual Orientation and Gender Identity and Expression and Sex Characteristics (SOGIESC) Equality bill sa Kongreso na nagpoprotekta sa mga karapatan ng LGBTQIA+ community sa bansa.
Sinabi ni House Deputy Majority Leader, ACT-CIS partylist Rep. Erwin Tulfo sa kanyan interpelasyon nitong Miyerkules, na ang panukalang batas na pinangunahan ng author nito na si Bataan Rep. Geraldine Roman, ipinahayag niya ang kanyang kasiyahan sa nasabing panukala.
“Now, I would just like to point out before I close, being a Catholic, a Roman Catholic, a former seminarian, the Catholic Church, though considered a conservative religion through Pope Francis now supports civil legislation that gives same-sex couples rights in areas such as pensions, health insurance, and inheritance,” ani Tulfo.
“The Roman Catholic Church now accepts same-sex attraction, and it says that it is not sinful. And it welcomes everybody in the house of God, including the LGBT community. Therefore, Mr. Speaker, I support the passage of this bill,” dagdag ng mambabatas.
Bilang tugon, kinilala naman ni Cong. Roman, si Rep. Tulfo at ang kapatid nito na si Sen. Raffy Tulfo, dahil sa kanilang mga “gender sensitive” na programa sa radyo at palaging pagsuporta sa LGBTQIA+ community.
“Nais ko rin pasalamatan sana ang ating nagtatanong ngayong hapon si Rep. Tulfo sapagkat sa kanyang programa sa radyo at kahit na rin po ang kay Sen. (Raffy) Tulfona programa, ay napaka-gender sensitive nila,” sabi ni Roman.
“Natutuwa po ako na mga taong lumalapit sa kanila na bahagi ng LGBTQIA
community ay tinatrato na may paggalang, tinatanong muna ano ba ang iyong pronoun of choice at wala po silang nararanasan na diskriminasyon,” dagdag ng mambabatas.
Sinabi rin ni Roman na dapat tularan ng media ang magkapatid na Tulfo para sa pagsuporta sa SOGIESC Equality Bill.
“Sana ganito lang po, sa pamamagitan ng mga magagandang halimbawa sa media po, mainstream media. At dumadami naman po, syempre, sa social media ang sumusuporta sa panukalang batas na ito, ay mapapalaganap natin at mapaparating sa bawat sulok ng ating bansa ang kahalagahan ng pagkakaroon ng isang batas na magpoprotekta laban sa diskriminasyong nakabase sa SOGIESC at sexual orientation and gender identity and expression,” ani Roman.
Sa kanyang interpelasyon, nais siguraduhin ni Tulfo na ang panukalang batas na nagbabawal ng diskriminasyon ay tunay na makakatulong sa ekonomiya at makakahikayat din ng dayuhang pamumuhunan sa bansa.
Bilang isang media practitioner, iminungkahi rin ni Tulfo ang isang epektibong kampanya ng pagpapalaganap ng impormasyon upang ipaalam sa publiko ang tungkol sa nasabing anti-discrimination bill.
About the Author
