Suspek sa pamamaril sa Batangas , nagpatiwakal sa hotel
Ni Alex dela Cruz
NAGPAKAMATAY sa tinutuluyang hotel ang isang suspek na sangkot sa pamamaril sa Barangay Balagtas ,Batangas City.
Sa ulat ni Batangas Police Provincial Office Provincial Director Police Colonel Samson B Belmonte kay Police Regional Office Calabarzon Regional Director Police Brigadier General Carlito M Gaces,kinilala ang suspek na si Aristotle De Chavez na tubong Barangay Pook na Banal, San Pascual, Batangas.
Batay sa ulat ng pulisya , nagsagawa ng follow-up operation ang mga tauhan ng Batangas City Police Station ng ganap na 9:40 ng gabi ng Setyembre 2,2023, kaugnay sa nangyaring pamamaril na naganap sa Barangay Balagtas ng nasabing bayan dakong alas 1:30 ng madaling araw.
Namataan ang suspek lulan ng sinakyang Gray Mazda Sedan na naka check-in sa Breckenridge Hamburg Hotel, Barangay Sta Rita Karsada .
Agad na pinuntahan ng mga otoridad ang suspek upang kausapin ngunit bigla na lamang nitong pinaputukan ang mga pulis kaya naman humantong ito palitan ng putok hanggang sa tinamaan ng bala si PSsg Ponciano Asilo Jr.
Tumawag pa ng karagdagan pwersa SWAT team ng Police Provincial Office at 1st Provincial Mobile Force Company at sapilitan nang pinasok ang kinaroroonan ng suspek .
Ngunit natagpuan na ito na nakahandusay at nagbaril sa sarili gamit ang isang caliber 45 .
Sa imbestigasyon ng pulisya, bandang 3:30 ng umaga dumating isang testigo sa naganap na pamamaril ng suspek na ikinasawi ng biktimang nagngangalang Sherwin A. Matanguihan.
Samantalang ang suspek ay agad na tumakas lulan ng isang Gray Mazda Sedan at dito na nasundan sa isang hotel.
