DALAWANG Chinese national ang inaresto ng mga otoridad sa isang eatery makaraang lumabag sa ipinatutupad na gun ban .
Kinilala ni Bulacan police director Col. Relly Arnedo ang mga suspek na sina Cao Jie, 35, at Jia Zi Cong, 27, na may dalang cal.45 pistol at .9mm pistol bandang ala -1 ng hapon sa Baranagay Caingin ng naturang lugar.
Nabatid na ang dalawang Chinese ay empleyado ng Momarco Vegetable Plantation na kumakain sa isang karinderya sa lugar ng makitaan ng armas .
Agad na ipinagbigay alam ng isang concerned citizen sa pulisya kaya naman agad itong naaresto.
Narekober sa kanilang pangangalaga ang 6 na rounds na bala ng .45 cal at 9 na rounds ng .9mm pistol.
Ang mga suspek ay nasa pangnagalaga na ng San Rafael police station na nahaharap sa kasong Omnibus Election Code at Republic Act 10591 (Comprehensive Firearms and Ammunition Regulation Act). .
