HUMINGI ng paumanhin ang anak ni Senador Raffy Tulfo na si Quezon City 2nd district Rep. Ralph Tulfo nitong Martes sa kanyang iligal na paggamit sa EDSA bus lane.
Sa isang pahayag nitong Martes ng gabi, Enero 28, inamin ni Tulfo ang kanyang paglabag at nangakong iiwasan ang katulad na pangyayari sa hinaharap.
“Lubos po akong humihingi ng paumanhin sa publiko, lalo na sa mga naapektuhan at naabala ng kaganapang kaugnay sa pagdaan ng aking sasakyan sa EDSA bus lane,” sabi ng mambabatas sa isang social media post.
Nilinaw niya na walang binanggit na personalidad o anumang posisyon sa kanilang pagdakip.
“Nais ko lamang pong linawin na WALANG naganap na pagbanggit o paggamit ng pangalan ng sinumang nasa posisyon. WALA rin pong nangyayari kahit anong pang-aabuso sa pag-aabuso para makalusot o mapawalang-sala sa krimeng ito. Sa halip, tinanggap po namin ang tiket at ang aming pagkakamali nang walang pag-aalinlangan,” he explained.
Aniya, tinanggap nila ang multa, binayaran ito at sumailalim sa seminar tungkol sa traffic rules.
Kamakailan ay kinumpirma ni Sen. Tulfo na ang kanyang anak ay nahuling ilegal na gumagamit ng EDSA busway.
Sinabi ng senador na pinagalitan niya ang kanyang anak na kongresista dahil sa paglabag sa traffic rules matapos mahuli ang kanyang convoy na gumagamit ng EDSA busway.
“Pinagalitan ko at nag-sorry siya sa akin. Ang sabi ko, ‘Mag-apologize ka sa lahat.’ And that’s it,” the senator said during an ambush interview.
Sinabi ng senador na bahagi ng convoy ng kanyang anak ang nahuling SUV.
“Ang pagkakaalam ko nagmamadali siya. ‘Yung driver niya yata ang pumasok doon sa bus stop. At pinagalitan ko siya, pinagsabihan ko,” aniya.
“In-admit naman niya. Hindi naman siya nagsisinungaling at nag-apologize siya. So ,wala akong nakikitang problema doon as long as hindi siya tumakas, hindi siya gumamit ng plakang 8, which karapatan niyang gumamit. Pero hindi siya gumamit. It just shows na hindi siya abusado,” dagdag pa ng senador .
Ang sasakyan ni Congressman Tulfo ay nahuli noong Enero 23, 2025, dahil sa pagpasok sa EDSA Carousel lane, na limitado sa mga bus, emergency vehicle, at piling matataas na opisyal.
Ang mga matataas na opisyal na pinapayagang gumamit ng busway lane ay ang Presidente, Bise Presidente, Senate President, House Speaker, at Punong Mahistrado ng Korte Suprema.
Awtorisado ring gamitin ang busway ang mga on-duty na ambulansya, fire truck, at mga sasakyan ng Philippine National Police.
Ang pagdaan sa EDSA busway na eksklusibo para sa mga bus at piling matataas na opisyal ng gobyerno ay isang paglabag sa Republic Act 4136 na kilala rin bilang Land Transportation and Traffic Code.
About the Author
