NAKALIGTAS ang labingsiyam na Pilipino sa isang malagim na sunog na sumiklab sa Wang Kuk, Tai Po, New Territories sa Hong Kong, ayon sa ulat ng Overseas Workers Welfare Administration (OWWA) noong Huwebes
Ang sunog ay nag-iwan ng hindi bababa sa 65 katao ang nasawi habang 300 iba pa ang nawawala.
Ayon kay Patricia Yvonne Caunan, chief ng OWWA, ang 19 na Pilipino ay nailigtas at bnakipag-ugnayan na sa kanilang tanggapan.
“They were safely rescued at tayo ay malapit na nakikipag-ugnayan sa kanila. Marami sa kanila ay may passport, may kontrata sa pagtatrabaho at ito ay agad-agad na sinusulong ng PCG (Philippine Consulate General) at ng aming MWO (Migrant Workers Office),” sabi ni Caunan.
Nabigyann a din ng mga food packs at dignity kit ang mga apektadong Pilipino.
Sinabi ni Caunan na ang government team ng Pilipinas ay umiikot sa mga shelter na itinayo ng gobyerno ng Hong Kong upang suriin kung mas maraming Pilipinopa ang naapektuhan.
Sumiklab ang sunog bandang 2:51 p.m. (lokal na oras) noong Miyerkules.
Sinabi ng mga awtoridad na ang complex, na itinayo noong 1983, at binubuo ng walong tore, bawat isa ay may taas na 31 palapag, kung saan pito ang unang naapektuhan ng sunog.
Base sa census ng gobyerno noong 2021 na mayroong 1,984 na apartment sa loob ng complex, na may humigit-kumulang 4,600 residente.
Samantala, sinabi ng Department of Foreign Affairs (DFA) na ang Philippine Consulate General sa Hong Kong, kasama ang MWO-HK at OWWA-HK, ay hindi pa nakatanggap ng anumang kumpirmadong ulat ng mga Pilipinong namatay o nasugatan dahil sa Fire Alarm Level 5 sa isang residential complex sa Tai Po sa New Territories.
About the Author
