NASAGIP ng mga ahente ng Presidential Anti Organized Crime Commission (PAOCC) agents ang 34 na Indonesian na illegal na ikinulong sa isang dormitory umano’y Chinese-run POGO sa Pasay City nitong Biyernes.
Ayon sa PAOCC na una silang nakatanggap ng rescue request mula sa isang Indonesian national na nagsasabing siya ay nakakulong sa loob ng isang gusali sa Pasay City bago ang rescue operation.
Agad na nakipag-coordinate ang PAOCC sa Indonesian Embassy at kasama ng mga miyembro ng Southern Police District kung saan ay natagpuan ang 34 na Indonesian na nakakulong sa loob ng isang dormitoryo sa Pasay City.
Sinabi ng tagapagsalita ng PAOCC na si Winston Casio ay nagsabi na ang pagsisiyasat ay nagsiwalat ng isang link sa pagitan ng sinasabing Chinese boss na sangkot sa iligal na pagkulong ng mga Indonesian at POGO operations.
Ang mga Indonesian, na dating manggagawa ng POGO na ang mga kontrata ay tinapos noong Enero 21, ay nagsabi sa PAOCC na tumanggi silang sumama sa amo ng Tsino sa Cambodia at sa halip ay nakiusap na payagang makabalik sa kanilang sariling bayan.
“Nahanap namin ang dalawang amo at ang kanyang administrative officer. Noong ipinakita namin ang kanilang mga larawan sa 34 na biktima, partikular nilang tinukoy na si Liu Meng ang big boss at sinabi nila na ang lalaking naka-itim, ang administrative officer, ay ang may hawak ng kanilang mga pasaporte,” sabi ng tagapagsalita ng PAOCC na si Winston Casio sa mga mamamahayag.
Sinabi ng isa sa mga nasagip na Indonesian na siya ay clueless kung bakit sila pupunta sa Cambodia.
Sinabi ni Casio na kasalukuyang nasa PAOCC Custodial Facility ang dalawang Chinese suspect at ang 34 na nasagip na Indonesian.
Maaaring maharap sa kasong kriminal o immigration ang mga naarestong Chinese national.
Samantala, habang isinasagawa ang rescue operation para sa mga Indonesian national, nakatanggap ang PAOCC ng isa pang rescue request mula sa isang Chinese national, na sinasabing ang kanyang kaibigan ay kinidnap at pinahirapan ng kanyang mga kapwa Chinese national sa loob ng condominium unit sa Paranaque City.
Agad ring nagsagawa ng operasyon ang mga miyembro ng Southern Police District at Pasay City Police Station at na-rescue ang Chinese national at naaresto ang tatlo sa mga kidnapper nito, na bahagi umano ng isang sindikato.
About the Author
