ISINAGAWA ng City Health Office ang Search for Orally Fit Child 2026 noong Pebrero 18, 2026, na naglalayong isulong ang wastong pangangalaga sa ngipin at mapanatili ang tunay na ngiting Tomasino sa murang edad.
Lumahok ang 60 bata, tig-iisang lalaki at babae mula sa 30 barangay ng lungsod. Nagsilbing hurado sina Dr. Marites de Guzman-Famorcan at Dr. Cyrene Libao.
Buong suporta ang ipinamalas ng Pamahalaang Lungsod sa pamumuno ni Mayor Atty. Arth Jhun Aguilar Marasigan (AJAM), katuwang si Vice Mayor Catherine Jaurigue-Perez, ang mga miyembro ng Sangguniang Panlungsod, at Committee on Health Chairman Hon. Helengrace Navarro.
Tinanghal na Most Percentage for Orally Fit Students ang National Child Development Center, sinundan ng San Jose Child Development Center, at San Francisco Child Development Center.
Sa Male Category, nagwagi bilang 1st Place si Edrian Louise A. Andes (San Antonio); 2nd Place si Trevor Allyster M. Fetalvero (San Felix); at 3rd Place si Calvin Pio M. Magpantay (San Agustin).
Sa Female Category, 1st Place si Tyla Khadi R. Cortezo (San Jose); 2nd Place si Brianna Carlyn M. Javier (Poblacion III); at 3rd Place si Lexie Viatrix P. Lanting (San Juan).
Lahat ng kalahok ay ginawaran ng sertipiko at oral hygiene kit bilang pagkilala sa kanilang pakikiisa sa adbokasiya para sa mas malusog na ngiti ng mga kabataang Tomasino.
About the Author
