NAG-NEGATIBO si Davao City 1st District Representative Paolo Duterte sa ginawang hair follicle drug test ng Hi-Precision Diagnostics Center na isinagawa noong Oktubre 23, 2024.
Kinumpirma ni Duterte na walang anumang bakas na mga ilegal na sangkap nang lumabas ang resulta sa isinagawang hair sample .
Ang pagsusuri na kilala bilang “Hair 7 Drug Panel Test,” ay isinagawa ng Omega Laboratories, isang certified testing facility.
Nag-screen ito para sa maraming gamot, kabilang ang Amphetamine, Methamphetamine, Cocaine/Metabolites, Opiates, Extended Opiates, Phencyclidine (PCP), THC Metabolite (Marijuana), at Benzodiazepines.
Ang opisyal na dokumento, na may petsang Oktubre 28, 2024, na na-certify ng Hi-Precision Diagnostics na nagpapatunay na dumaan sa masusing proseso gamit ang mga advanced techniques gaya ng ELISA (enzyme-linked immunosorbent assay) para sa paunang pagsusuri at GC/MS (gas chromatography/mass spectrometry) o LC/MS/MS (liquid chromatography/tandem mass spectrometry) na siyang kadalasang ginagamit sa mga legal, corporate, at personal na kinakailangan na mapagkakatiwalaang resulta.
Pinatunayan ni Duterte na ang resulta ng drug test ay makabuluhan dahil pinatitibay nito na walang droga sa kanyang katawan sa gitna ng mga alegasyon ng ilang kalabang pulitiko.
