April 16, 2026
Kaltas ng SSS, GSIS, PAG-IBIG Philhealth ipinanukalang suspindihin pansamantala philhealth

Kaltas ng SSS, GSIS, PAG-IBIG Philhealth ipinanukalang suspindihin pansamantala

admin March 28, 2026
SA gitna ng idineklarang national state of energy emergency, nanawagan si Senadora Imee R. Marcos sa SSS, GSIS, PAG-IBIG at Philhealth na magpatupad ng pansamantalang tigil-singil at loan moratorium upang maibsan ang tumitinding bigat na dinaranas ng mga Pilipino dulot ng patuloy na pagtaas ng presyo ng langis at mga pangunahing bilihin.  Ayon sa senadora, ramdam na ramdam ng mga manggagawa, magsasaka, mangingisda, at maliliit na negosyante ang epekto ng krisis sa enerhiya, mula sa pamasahe hanggang sa presyo ng pagkain, kaya’t malaking tulong kung ipagpapaliban pansamantala ang paniningil ng mga nabanggit na ahensya.  “Ang krisis sa gasolina at krudo ay pabigat lalo sa pang-araw-araw na buhay ng bawat Pilipino, lalo na sa ating mga manggagawa. Kaya’t marapat lamang na bigyan natin sila ng kahit isang buwan o higit pang palugit sa pagbabayad ng kanilang mga obligasyon,” pahayag ni Marcos.  “‘Wag muna nating kaltasan ang kanilang sahod. Ibigay muna ito nang buo upang kahit paano ay makasabay sila sa walang tigil na pagtaas ng presyo ng bilihin,” dagdag pa niya.  Iginiit pa ng senadorang nagawa na ang ganitong hakbang noong panahon ng pandemya at sa mga nakaraang kalamidad, kung saan nakatulong ang mga palugit upang makabangon ang mga apektadong sektor.  “Patuloy ang krisis na ito na wala pang kalinawan kung hanggang kailan matatapos. Nararapat lang na gawin natin ang lahat ng makakaya para matulungan ang taumbayan,” pagtatapos niya.
Read More Read more about Kaltas ng SSS, GSIS, PAG-IBIG Philhealth ipinanukalang suspindihin pansamantala
‘Price freeze’ ipinanawagan sa senado para sa proteksyon ng mataas na bilihin palengke 2

‘Price freeze’ ipinanawagan sa senado para sa proteksyon ng mataas na bilihin

admin March 28, 2026
MULING nanawagan si Senador Bam Aquino sa pamahalaan na pormal na magdeklara ng price freeze sa mga pangunahing bilihin at essential goods, na aniya’y makatutulong upang maprotektahan ang publiko mula sa epekto ng patuloy na pagtaas ng presyo ng langis dulot ng krisis sa Middle East. “Mag-price freeze na sila. Mula noong nagsimula iyong hearing, tumaas na ng twenty pesos iyong diesel, iyong gasolina sampung piso. Sinabi ng Department of Agriculture tataas ang presyo ng pagkain kung wala silang gagawin. So mahalagang gumalaw na iyong gobyerno,” wika ni Aquino bilang tugon sa pahayag ni Claire Castro ng Presidential Communications Office (PCO) na maingat na tinitimbang ng pamahalaan ang epekto ng price freeze sa lahat ng sektor. “Kailangan natin ng agarang aksyon at ang mungkahi ko, gawin na iyong price freeze para sa napakaraming Pilipino na hirap na hirap na ngayon. Gawin na nila yan at tulungan nila yung napakarami nating mga kababayan,” dagdag pa niya. Sa pagdinig noong Huwebes ng Proactive Response and Oversight for Timely and Effective Crisis Strategy (PROTECT) Committee, kinumpirma ng mga ahensya ng pamahalaan ang naunang pahayag ni Aquino na price monitoring lamang — at hindi price freeze — ang nakapaloob sa Executive Order No. 110 ni Ferdinand Marcos Jr. na nagdedeklara ng state of national energy emergency. “No price freeze as of now, Mr. Chair,” sabi ni Reynaldo Cancio, Assistant Secretary ng Department of Economy, Planning, and Development (DEPDev), kay Aquino. Kinuwestiyon ni Aquino ang desisyon na hindi isama ang deklarasyon ng price freeze, at sinabing isa ito sa mga dahilan kung bakit siya nanawagan noon ng pagdedeklara ng state of national emergency. “Ang nilabas ninyo is national energy emergency, which I know addresses the supply issues, but I don’t think it addresses the concern when it comes to basic commodities and essential goods,” wika niya. “Palagay ko po at palagay siguro ng marami sa amin, kulang pa dahil ang hinahanap din ng taumbayan ay ang hindi magtuloy-tuloy ang pagtaas ng presyo sa mga palengke, sa supermarket, at sa grocery,” dagdag pa niya. Hindi naman naipaliwanag ng mga undersecretary at assistant secretary ng  DEPDev, Department of Energy, at Department of Finance kung bakit hindi nagdeklara ang pamahalaan ng mas malawak na state of emergency na sana’y magbibigay-daan sa pagpapatupad ng price freeze sa mga pangunahing bilihin.
Read More Read more about ‘Price freeze’ ipinanawagan sa senado para sa proteksyon ng mataas na bilihin

You may have missed

loren

Suspensiyon ng excise tax, VAT sa petrolyo ipinanawagan sa gobyerno ni Legarda

admin April 15, 2026 0
senior5

Pension para SSS, GSIS planong akuin pansamantala ng gobyerno

admin April 15, 2026 0
ofws

DILG urges LGUs to expand OFW, MAIN desks to protect workers from illegal recruiters

admin April 15, 2026 0
Hrep

House moves to protect workers, middle class, small firms to keep economy steady amid rising fuel costs

admin April 15, 2026 0